Page:APUG 627 Pseudo-historia Concilii Tridentini refutata cc. 1-5.pdf/5

[lacuna]...ciliorum certus certus et constans est fructus, quem bonis omnibus summopere expetitum, firmissimeque speratum ne tu quidem , si sapis in Tridentino desideres. An non macies, et gracilitas ista, prae qua Lutheriana iam haeresis vix consistit, abunde testatur multum post Tridentina vulnera vitalis spiritus egestum. Turmae istae, quae ab haereticorum signis in Catholicorum castra quotidie convolant, deditione non facerent, si non Ecclesia Tridenti vicisset. An non est minori supercilio iam haeresis. An non tolerabilius se ostentant, et iactat. Nimirum illa acies, illa pugna durum illud os, ferrumque contundit. Veniet etiam aetas, venient, quam utinam repraesentet humano generi Deus, cum monstra, et portenta ista, Tridentinorum Patrum labores, quae vitam adhac trahunt, adhuc connituntur, sese contorquent, aut iacebunt extincta, aut festa iam, et defecta viribus, muta, segnia, exanguia, oblivione, atque silentio consepulta, in squallore, sc tenebris delitescent. Hoc est primum accusationis tuae, tuaeque Iliadis caput, in quo, ut tibi te in summam redigam, parum aequus Catholicis, quos obstinatos appellas, haereticus, quorum vitia alio derivas, nimio plus faves. Tridentinam Synodum non modo inimicitiarum altricem, sed etiam quod spem, expectationemque deceperit, mendacem facis; quid in illa cogenda piis omnibus speratum maxime fuerit non tenes; quantum de haeresi sensim, et carptim illa detriverit minime vides.

◅▻