facile agnoscetur, ac primo prae tendet ingressu multum intus latere tenebrarum.
Ordiris a Joannis Sleidsni laudibus, quem diligentem in primis auctorem apellas, aisque Tridentini Concilii antecedentes causas exquisito studio prodidisse. At Carolus Caesar, qui eas res omnes non modo usurpaverat oculis, sed ipsis pene etiam manibus petractaverat, cum Sleidanum ad fallendas horas a cubiculario posceret, tacito Sleidani nomine, quem sibi vellet, his vocibus designabat, Da mendacem. Nimirum ita illum crebro, ita prodigiose mentiri animadverterat, ut dignus plane videretur, cui nomen mendacia facerent, neque alium arbitraretur mendacis appellatione posse verius denotari. Itaque, si Caroli Quinti more loquendum sit, non tu Sleidanum Polane, sed mendacem, laudasti; nihil vero interest, utrum ipse mentiaris, an mentientem laudes mendacioque subscribas; neque dubium es se cuiquam potest, quin auctorem a te ipso exordio insigniter commendatum toto deinceps opere diligenter expresseris, eiusque fontibus ubertim, et copiose tuos hortulos irrigaris. Ita porro inter legendum permoveri solitum Caesarem ferunt, ut continere interdum sese non posset; quin triumphali
