induciarum perbreves posco moras.
CAN. -Genio doloso tempus est nullum breve;
ad antrum, ad antrum, Tartari ad fundum, draco.
Hiulca tellus pandere, rebellem vora.
NIG. -O dira iussa, Rector ô saevus poli,
brevemne fraudem, carcere aeterno premis?
95.[1]Aeternitas! Aeternitas! Aeternitas!
CAN. -Mensura scelerum iusta! Cum summum bonum
offensa laedit omne supplicium breve est.
Aeterna te mersisset infelix simul
vindicta, nisi tenuisset ultricis manum
Loyola Nemesis. Vix adhuc motas dea
compescit iras: ardet in poenas furens.*[2]
IGN. Suspende, Diva, cuspidem, fulmen tene,
miserere, vindex Diva, me miserum feri
NEM. Non sic abibunt caeteri: en vivus flagrat
96.[3]tibi meditato tostus Alpinus rogo,
sociat Mudarram flamma, Castillam Nigri
tabifica moles carceris egenum necat,
per ima serpit ossa Berrerae febril.
Diro vapore pestilens aegram trahens
moriturus animam, facinus indignum gemit.
Utrumque fata mitis extremo iuva,
pacatiorem condit his sortem Deus.
Stant caeterorum fata, ne frustra move.
Edisce tellus, poena comitatur nefas*[4]
NAV.- *[5]O trepida spectra! Somnus o nimium gravis!
Iam iam levabat Nemesis ultricem manum,
Loyola tenuit: roborat visum fides,
ablata sica, Christus explevit locum
