teque miserum sepeliat? O segnis mora!
Tam lenta fata sustines? Ferrum 93.[1] cape,
acuta celerem cuspis expediat necem,
me *[2] restis iste proximae annectet trabi,
ubi tigillum prominet. NAV.: Mortem ciet
lethale ferrum sed reluctantem retro
coercet ictum mortis aeternae pavor,
aeternitatis horror absterret manum.
Moriens rependam semper admissum semel.
NIG. -Ah vile pectus, naeniam stultam canis!
Mors una tantum perbrevis, movere semel
ne semper aegram protrahas vitam miser.
NAV. -Horresco facinus. NIG. -Horreas quantum velis,
mihi stat subire fata. Si cupias tuum
spectare Nigrum, proxima infelix onus
pendebit orno. Labis ô foeda pudor,
nullo favore numinis dignum scelus.
ah, pereo, pereo! NAV. -Siste paulisper Nigri
nescio quis oculis gravidus incumbit vapor.
Me trade somno, forte violentas mihi
somno gravatus inferam audacter manus,
non audeo vigil. NIG.: Vocis extremum libens
impendo munus; cantat emoriens olor
sibique lessum praecinit. *[3]Ferro sinum
suppone; somnos carmine citatos voco.
NAV. -Miserere numen mite, condona scelus
NIG. -Capta soporem, crimen est nimium grave,
aures Tonantis irrito pulsas sono.
NAV. -Modulare, Nigri. *[4]
Noxii lictor furoris, Somne, dirarum sopor,
