Effare iam, Navarre, dignoscis manum?
Agnosce signum, si potes, scriptum nega.
PRAE. -Proprius tabellas defer, exploret manum* [1]
CAM. -Coram tuere. Quis ora coripuit pavor,
tremor quis artus pulsat? Hic, hic est scelus.
Quot imprecatus antea est nequam mala
venere cuncta : pallit, expumat, tremit;
quatit ora creber anhelitus, cessit calor,
omnia timoris signa lymphati gerit;
patuere fraudes, indicat crimen metus.
NAV. -Quo sol recedis? Morior, o dolor, dolor!
PRAE. -Accurre lictor, stringe 87.[2]nexu ferreo,
contunde pugnis, exprime invito scelus.
IGN. -Ah! Parce, Praetor. PRAE. -Parce tu mitis pater,
credulitatem serus incuso meam.
Elusit ille credulum : testor polum,
lusisse quid sit iudicem Romae sciet.
Accede pater, accede. IGN.- Subsistam precor.*[3]
PRAE. -Conscende sedem. IGN. -Vilior sedes decet
PRAE. 88. [4] -Conscende mecum. Iure sublimem veho
quem sors ad imum presserat inique locum.
CAN*[5]. -Romane princeps, poscit affatum celer
procerum caterva. PRAE. -Causa districtum tenet
nondum expedita. CAN. -Pauca quae causam iuvent
se ferre testes asserunt. PRAE. -Ex qua plaga
venere proceres? CAN. -Dissitis cuncti plagis,
Iberus unus, aurei a ripis Tagi,
Lutetia alter, tertius ab Adriae freto
qua Veneta lambit tecta. Iam casu simul
Urbem subibant, dumque pertaesi viam
