Page:APUG 1123.pdf/43

Frons pura saepe candet vbi mens est nigra,
oris modestia est fraudis primus color
PRAE. -Virtutis et lux prima. MUD. -Si virtus adest.
PRAE. -Sine sole nunquam lucis effulget nitor. MUD. -Nitet doloso solis effigies vitro. PRAE. -Sed agite, tantum quis probat testis nefas.
Sine teste crimen impetu vano labat.
MUD. -Aurifera quotquot grana piscantur Tagi,
quot vorticosas Sequanae lymphas bibunt,
quot venitus ambit gurgite sonanti Padus,
sat nota testes scelera Loyolae probant
Ubique foedum dogmatis pravi lutum
ut foeda sparsit vnda. Haud vno in loco
causam scelestus dixit: infami nocens
pridem flagrasset igne, ni furtim vagus
hinc inde cautam saepe captasset fugam.
PRAE. -Haec nemo cora firmat. MUD. -En testem inclytum,
quem decorat altû stirpe laudata genus,
virtus honestat, fama commendat proba.
Hic invocato crimen obiectum Deo
firmabit ultro. NAV. -Firmo, confirmo, anuo.
Aeterna testor signastellantis plagae.
Aconita late sparsit errorum vafer
Loyola mimus pestis infecit plagas
longe diremptas. Ni statim ponas modum,
vereor eodem Roma languebit malo.
Quid reliqua facient membra si languet caput?
PRAE. -Ecquid videtur iudices? FERR. -Raptim volet
denso satelles agmine, et rapiat scelus
sacru ad tribunal, vinclis oneret manus

◅▻