NAV. -Juppiter inanis fulminat. IGN. -Miseret tui,
ex corde miseret. Sistis insontes reos,
dum te tribunal mentis internu citat.
Vis innocentes tradere infami neci,
dum te nocentem serium damnat nefas
O anima coelo chara!*[1]Christus lytro
sanguinis emacis solvit, ingentis lucri
ne temne pretium. Blandus expandit sinu
et tensa Christus brachia, cruentum vide,
audi vocantem, dumque regressum tibi
benignus offert, pectus in melius refer.
Incerta vita, limes est scelerum brevis,
supplicia longa, termino poenae carent.
NAV. -Vaticinus ore bubo ferali strepit
tibi ominare vultur. Incendit rogum
iam iam satelles, structa flagrabit pyra.
QUI. -Compesce verba, comprime minaces sonos,
impune famam nemo proscindit patris.
NAV. -Certamen optas? Confer audacter manum,
ignaue, ferrum stringe. QUI.*[2] -Dimittas
causam innocentis tegere Romanum decet
IGN.: -Tibi tempera, Quirine, refraena impetu,
causam innocentis dextera Tonantis teget.
Si te, Navarre, laeserim, en pectus patet;
pro te paratum Calybe transacto fodi.
NAV. -Faue, Megaera, demetam ferro caput
uno recisum verbere. -ALP.*[3] -Furorem preme,
reconde ferrum, cecidit in laqueos fera;
huc huc, satelles, curiae infringit sacrum
Loyola limen. Temerat Astraeae lares.
