Quicumque intimus Deiparae servus esse desiderat, is ante
omnia, plenam de ejus summis, et Divinis praerogativis, conceptum,
et existimationem insitam sibi tenere oportebit quae
profecto tantae sunt, ut non dicam humanum, sed et Angelicum
intellectum longe superent; utpote in qua ditanda
exornandaque ab aeterna sacrosancta, et Adoranda Trinitas
ut ita dicam, elaborasse videatur. Quid enim purae creaturae
altius, glorosius, admirabilius contingere poterit, quam
ut caelestis Pater eam privilegio, nulli alteri concesso, in
suam susceperit filiam; aeterni Patris consubstatialis filius
eam in Matrem; Spiritus Sanctus in suam omnibus gratiarum,
ac charismatum donis cumulatam, sponsam elegerit;
et patet ex ipsa praedestinatione Dei Optimi Maximi
quam primo ante omnes Creaturas Rationales puras, Libro
vitae post Christum inseruit, ante omnia secula.
Nam uti S. Bernardinus Senensis ex singulari revelatione
doctus asseruit: Tu, O Maria ante omnem Creaturam
in monte Dei praeordinata fuisti, ut omnium mulierum
purissima, Dei ipsum ex carne tua procreares: uti
enim sacratissima humanitas Christi ad se traxit Divinam
mentem, ita ante omnia quoque in Mariam suos
reflexit eodem inquam, aeternitatis momento, in
Mariam in mente Dei praeexistentem, conjecit, ita ut
nullum inter Christum et Mariam interstiterit medium;
eodem instanti quo Deus homo fieri decreverat, eodem et
matrem quoque elegerit, ex cujus carne nasceretur Deus,
factus homo. Nam ut recte Philosophi ratiocinatur: Esse
videlicet in mente omnium creatarum rerum rationes
et ideas praeexistentes; non modo humano, sed substantiali
et supra essentiali, teste Divo Joanne: Quae facta sunt in ipso
