v. 8. ludentem cum Rebecca. rabini[1], et Caietanus
putant per ludum intelligi actum coniugalem.[2]
sed non est verisimile in propatulo id
egisse Isaacum. neque verbum hoc significat.
nec ullus interpretum aliter vertit quam ludentem.
unde recte Divus Augustinus liber 22 contra Faustum
dicit eum lusisse familiarius, quam licuisset
cum aliena coniuge, et inde cognitam quod
esset uxor.[3]
v. 10. induxisses in nos peccatum אָשָׁם pro
prie delictum ex ignorantia significat. ut
patet ex Ps. 70 tu scis insipientiam meam
et delicta mea a te non sunt abscondita. unde
hic verterunt graeci ἂγνοιαν id est ignorantiam.
v. 12. invenit centuplum. graeci verterunt
centuplicatum hordeum. nam chaldeus centuplum<lbquam estimaverat.[4] vox hebrea est
ambigua. nam si שערים si scribatur
sic שְׁעָריִם significat estimationes; et
inde mensuras. si scribatur sic שׂעֹרִים
significat hordea.[5]
v. 17. habitavit in torrente. 70 habent in
valle. verbum נַחַל utrumque significat.[6]
forte Hieronymus vult dicere in torrente id est iuxta torrentem.[7]
---page break---
- ↑ auctor catenae: Non enim loco patentiore coniugali actui (ut nos arbitramur) operam dedissent, quemadmodum aliqui dixerunt, praesertim Iudaei, qui fere semper indigniora comminiscuntur, & turpiora scribunt, cum velint haberi castissimi & religiosissimi, ut pigeat adducere ipsorum fabulas & stultitia, Catena in Genesim, 281v.
- ↑ Actus igitur coniugalis significatur, prout testantur suiecta verba Abimelech, Catena in Genesim, 281v.
- ↑ Catena in Genesim, 281v.
- ↑ Biblia regia, I, 83.
- ↑ Hieronymus in quaestionibus hebraicis, Catena in Genesim, 282v.
- ↑ auctor catenae: Dictio נַחַל nahal hic posita, tam torrentem significat, quam vallem, Catena in Genesim, 283v.
- ↑ pro valle torrentem habet in Hebraeo. Neque enim Isaac, postquam magnificatus est, in valle habitare poterat. Habitavit autem in torrente, de quo scriptum est, De torrente in via bibit [Ps. 109,7], Catena in Genesim, 283v.
