Difference between revisions of "Page:Prodromus coptus sive aegyptiacus (1636).djvu/128"
ArchivesPUG (talk | contribs) m (→top: added Template:TurnPage, replaced: <references/> → <references/> {{TurnPage}}) |
|||
| (One intermediate revision by one other user not shown) | |||
| Footer (noinclude): | Footer (noinclude): | ||
| Line 1: | Line 1: | ||
| − | <references/> | + | <references/> {{TurnPage}} |
Latest revision as of 12:46, 6 May 2020
Boum coria integra quam plurima in navibus imponuntur; qui cum in has maris angustias vento acti introducuntur singuli singula subeunt, atque collo introrsum complicato, ita consuunt, ne aquae aditus pateat ullus: tum sese moventes in mare coniiciunt, quos cum maximae aquilae illis regionibus familiares gryphes dictae prospiciunt: boves, aut alia animalia esse putantes, advolantes eripiunt, atque in aridam transportant, tunc vero depositis in valle, vel monte incumbunt, ut ipsis disruptis pascantur; verum opportuna celeritate usus, qui intra corium includitur homo, feram ipsam gladio confossam vulnerat, et occidit, atque hoc pacto complures evadunt.
De narrationis huius veritate nolo disputare, ut pote a Rabbino facta, quod genus hominum huiusmodi fabulosis narratiunculis nullo non tempore delectari solitum nemo nescit; hoc scio plerosque Geographos circa hunc extremum Septentrioni, et hyperborei Oceani tractum
