Page:Obelisci Aegyptiaci Interpretatio hieroglyphica 1666.pdf/91

per initiales literas... exprimitur, Aegyptiacè Hieralpha; Undè verò suam originem sumpserit, explico; Res ita sese habet.
Ferunt prisci Aegyptiarum rerum Scriptores, inferiorem Aegypti partem mari olim rectam fuisse; Osirim autem primum Aegypti Regem, cùm ex ingenti limi, arenarumque ex Aethiopia advectarum coacervatione Nili defluxu facta, hunc maris sinum, nescio quid terrestre parturire cerneret, Nili aquis in alveos deductis, terram intermediam ab aquis separatam habitatoribus non aptam tantùm, sed et iucundam reddidisse; ingenti verò serpentem è putrefacto limo natorum copia locum continuò infestum reddente, cum multi quotidiè serpentum morsibus, inter quos et Osiridis Navarchus Canopus, perirent; Osirim magnam vim Ibidum hisce locis immisisse, qui devoratis serpentibus locum brevi tempore expurgatum à periculis immunem reddiderunt. Multiplicatis itaque Ibidibus, cum posteri notarent dictas aves in variàs sese formas iuxta diversum corporis situm transformare; accedentibus multis aliis ab Ibide receptis beneficiis, eum Genium seu Agathodaemona Aegyptii à figura, quam pedibus exprimebat, appellantes, in sacrum animalium album retulerunt, locumque ipsum à nomine Agathodaemona appellarunt; quod Ptolomaeus hisce verbis docet:.... Delta magnum vòcatur id, iuxta quod divertitur fluvius dictus Agathodaemon Ibis igitur divaricatis crucibus et rostro iis transversim inserto, exprimit primam Alphabeti Aegyptiaci literam, hoc pacto A, quod idem sonat, ac A'..... Ita Plutarch. Sympos. 5. ..... Ibis, inquit, pedum divaricatione eorum inter se, et cum rostro comparatione, triangulum refert aequilaterum. Et lib.9. Sympos. quaest. 3..... Mercurius primus Deorum in Aegypto traditur invenisse literas, atque adeò Ibin Aegyptii primam literam faciunt Mercurio, videlicet Agathodaemoni convenientem. Habemus, quomodò Alpha, primam literam Aegyptiorum ex Isibis situ didicerint Aegyptii, nunc quomodò,..., ex Ibide natum sit, accipe.
Tertia litera fuit desumpta ex divaricatione pedum Ibidis, omissa rostri insertione: Sic enim cum plano terrae exactè... exprimebat, ut proindè locum hunc Aegyptii mari vicinum non alio nomine, quam Delta insigniverint, et posteri hanc appellationem usque ad nostra tempora retinuerint; putabant enim Aegyptii Mercurium sub Ibidis forma, varias literarum formas humano generi tradidisse, ac inter caetera per formam... quomodò Nilus dividendus sit, ut tellus illa aquis paludibusque

◅▻