Page:Obelisci Aegyptiaci Interpretatio hieroglyphica 1666.pdf/117

ciemus; conducunt enim a eius scientiam; nec enim homo intelligendo essentias rerum, nisi in eius anima rationes ideis correspondentes essent insertae, attingere pesset; sensibus enim sola extena accidentia offeruntur. Undè, nisi anima per rationes ad ideas elevtur, neque propriè scire, neque intelligere dici potest, sed tantùm recte, vel perperam opinari. Ex hoc nextu anima cum mente ex ideis dependet, quod homo contemplationi deditus dominetur et imperet corpori, non suo tantùm, sed et caeterorum naturà constantium. Demùm ex rationum idearumque serie ortum in homine ducit Divinatio et prophetia, quam tanto studio sectabantur Aegyptii, ut proindè mirum videri non debeat à Plotino dictum, intellectum contemplantis hominis, quamvis videatur esse in Oriente, tamen ea conspicere posse, quae siunt in Occidente, cum sit in uno loco, mirificè operari posse in alio plurimùm distante, ac insuper sua cognitione alios movere; homo enim tùm verè contemplatur, cum iungitur cum suo principio, in eoque per animam reperitur, in quo non distant, sed eminenter iuncta sunt ea, quae apud nos distare videntur, adeò ut per causas ea videat, quae aliis in effectis conspicere vix datum est.
Ex hac mirabili rerum inferiorum cum mediis et supremis connexu, ideatorumque ad ideam idearum conversione veters sapientes deducebant, duplicem singulis entium gradibus inesse rationem, unam visibilem, invisibilem alteram; visibile utem ab invisibile procedere tanquam à generante generatum; atque hoc posito, ab externo veram interni fabricam, id est, Mundi maioris et minoris veram anatomiam concludebant. Nam rerreum hoc corpus sensibile, non est (ut ipsi putant) propriè autem dictum elementum est vita et spiritus, in quo astra seu invisibiles rerum virtutes, ac spermaticae rationes latent, quibus omnia, unumquodque ouxta speciem suam producunter. Hoc paco universa vegetabilis naturae soboles nil aliud est, quàm fructus invisibiles elementi, astrorumque sive invisibilium virtutum, quae sub corporibus sensibilibus veluti sub corporibus latent, fructus sunt; habent enim singuli fructus sua semina, et astra insensibilia, ex quibus immediatè producuntur. Pari ratione aqua non ex elemento corporeo, sed ex interno suo et astrali elemento omnes producit in terrestris Mundi matrice mineralium corporum foetus. Aërum elementum ex interno et astrali suo elemento tanquam vitae balsamo,

◅▻