Page:EBC 1615 12 21 1651.pdf/1

Ill.me et R.me Cardinalis Domine Clementissime.
Silentium quod mihi hactenus multae causae imperavere, rumpere tandem jussit dura necessitas, ac grave rebus meis inflictum vulnus; quod quale sit, haud pigeat ex ore insignis viri D.Henrici Verlaii Agentis Romani, qui Rasce,ut puto, sua reddet manu, coram cognoscere, Jamvero desideratae opis a S.Apostolica Sede facilius consequendae, quia in authoritate ac patrocinio Ill.mae et R.mae D.is V.ae mihi permagna spes reposita est: quam possum enixissime oro atque obsecro, veterem clientem suum, cujus fortunam multiplicesque pro fide Catholica casus ac pugnas ex priorum memoria temporum et recordari ipsa et testari aliis poterit, jam medio quasi mari fluctuantem, anchora favoris sui folcire, votisque meis et apud S.um D.um N.um et apud Ill.um D.Datarium ita aspirare dignetur, quo pristinus Apostolicae benignitatis fructus, defuncto jam filio natu maximo, S.Apostolicae Sedis pensionando, reliquis etiam liberis meis aliquo saltem deinceps constare judicio possit. Quod superest, Ill.mae et R.mae D.is V.ae manus humilime exosculor, meque pristinae ejus tutelae ac patrocinio totum dedo atque commendo. Aschaffenburgo XXI.Decembr. A° MDCXV. Ill.mae et R.mae D.is V.ae
Devotissimus Gliene
J.Baronius D. consiliar.D.ogg
---page break---
(adresse): Ill.mo et R.mo D.no D.no Roberto Bellarmino S.R.E.Tit.S.
Mariae in Via Card. D.no meo Clementissimo.