Page:EBC 1614 02 20 1389.pdf/1

Admodum R.^de D.^ne amice charissime, Nimis pretiosa veste ornasti rusticum libellum meum de scriptoribus ecclesiasticis, siquidem in eo libello nulla scientia traditur, sed solum indicantur auctores scientiarum variarum; proinde simillis est libellus meus famulo, qui ducit Dominos suos ad scholas: quis autem non miretur si videat hominem vestitum purpureo, et aurato holoserico fungi munere publici famuli? Accepi igitur munus ad me missum, ut pignus amoris erga ma tui, non ut librum debiti sibi cultu orantum: sed cum hac conditione ut deinceps, si quid mittendum fuerit, vel nudum mittat, vel simplicissimo tegmine coopertum. His valeat R.^da D. V.^ra mei memor in sanctis orationibus suis, quibus non opto mihi impetrari vitam longiorem in hoc seculo, sed aeternam in futuro. Datum Romae die 2o februarii 1614.