Page:EBC 1608 07 09 0779.pdf/1

Illustrissime et Reverendissime Domine patrone observandissime. Quanquam angustioribus quotidie terminis reliquiarum ecclesiae Hungaricae libertas circumscribatur, quia tamen omnia occasio tuendi propagandique divini cultus vel inter dubiam rerum spem chara cuique esse debet, ad sarciendam personarum spiritualium his in locis inopiam, tres iuvenes bene moratos, Franciscum Geogh, Ioannem Acbii, Michaelem Zentherebti, Romam misi, qui in collegio Hungarico pietatis et litterarum disciplinis exornati, ecclesiasticia deinde muniis fungi possint. Et cum in perturbato harum partium statu difficile sit invenire quos in hoc genere expectationi Superiorum responsuros sperare liceat, confido hos opinionem de se conceptam minime frustraturos. Hos igitur ut Ill.ma et Reverend.ma Dominatio Vestra in patrocinium suum pro incombente sibi harum provinciarum cura, meaque intercessione receptos, il collegio Hungarico collocari suique favoris gratia prosequi velit maiorem in modum oro, de reliquo eandem felicissime valere desiderane. Datum Tyrnaviae 9 jullii anno Domini 1608.
Ill.mae et Reverendissimae Dominationis Vestrae
Humillimus servus
Card.lis Strigon.
All'Ill.mo et R.mo Signore mio Pron Col.mo, il Sig.or Card.l Bellarmino.
Roma.
in Bellarmine's hand (on fol. 94v): 'Si puo rispondere in vulgare.'