Page:EBC 1599 0077.pdf/5

From GATE
Revision as of 15:53, 8 May 2019 by ArchivesPUG (talk | contribs) (top: clean up, replaced: Category:EBC_ProofreadCategory:EBC ProofreadCategory:EBC Pages)
(diff) ← Older revision | Latest revision (diff) | Newer revision → (diff)
This page has been proofread

et vigilantiam adhibere ad digniorem eligendum quantum iuraomnia clamant, si satis est episcopo alios ecclesiae suae ministros delegare? Nec valet illud quod nobis de Valerio episcopo obiciunt, qui Augustinum sibi substituit; id enim fecit ingravescente iam aetate, quando vires sibi non suppetebant. Gravis igitur mihi error videtur esse in episcopis, qui in propriis ecclesiis non resident, et gregem suum non personaliter pascunt, quia non solum contraveniunt officio quod ad episcopos tanquam ad pastores spectat, verum etiam decreto quod legitur in Concilio Nicaena,c. 15, Non oportet, et decreto Gregorii, 1.5, epist.23, ad Anthenium subdiaconum, quod incipit in decretis, 8, q. 1 Pervenit. Et quanta patientia ac labore gregem suum pascere ac custodire debeant et, si opus est, infirmos ex grege humeris deferre ad suum hospitium, extat decretum Liberti Pontificis in decretis, cap.7, q. 1, Suggestum nobis est, et Nicolai sciscitantis qui movent persecutiones et alia adversa pro salute gregis sustinenda non esse, non autem irato animo ulla de causa gregem deserendum. Aliquando licuit episcopis abesse a suis gregibus, ad breve tamen aliquod tempus permissum erat, modo semper id etiam fiat sine ullo Ecclesiae detrimento. Quod colligimus ex Concilio Tridentino,sess. 23, cap. 1, de reformatione, ubi dicitur: Qui aliquantisper tantum absunt, ex veterum canonum sententia non videntur abesse, quia statim reversuri sunt. Sed quid dicendum est de illis qui per spatium trium annorum a sua dioecesi absunt? nisi eos praecepto divino quo mandatum est oves suas cognoscere, pro iis sacrificium offerre et pascere, non obedire, et gregem suum more mercenario deserere, immemores divinorum beneficiorum, ut decretum est adversus istos in Concilio Tridentino,sess. 23, cap. 1, de reformatione; quod quidem decretum valde huic sententiae meae favere videtur, ne episcopi a grege suo abessent et per multum spatium temporis gregem suum derelinquerent.
Sed quid dicendum est ad illud aliud quod proposuimus an Pontifici Romano liceat concedere episcopis non residere in ecclesiis suis