Page:EBC 1599 0077.pdf/1

From GATE
Revision as of 11:17, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has been validated

Cum rerum omnium moderator Deus immensa sua bonitate ex nihilo cuncta produxisset earumque curam habere voluit uti antequam nondum existerent creator illis minime defficeret, sic nec provisor deesset, propterea cum in superiore mundo tum in hoc inferiore gubernatores sua infinita sapientia et ad coelestia et ad terrena moderanda destinavit, terrenis vero qui praeessent et carne et spiritu constare voluit vel ex eo primum tempore quo haec caduca corporali sua praesentia privavit, inquiens Petro: Pasce oves meas, et alibi: Per me reges regnant, etc.: ideo pastores propriis gregibus semper assistere iussit neque ob eorum absentiam aliquod detrimentum paterentur; quinimo omni cura ac solicitudine adhibita ab omni damno et periculo oves suas deffenderent, super his gravis incidit mihi quaestio cum nonnullis meorum familiarium paucis abhinc diebus, nimirum an episcopi tanquam pastores impune a propriis ecclesiis per duos vel tres annos abesse valeant, et an Romanus Pontifex huiusmodi absentiam tolerare debeat, cuius quidem difficultatis solutionem cum diu multumque ultro citroque adductis rationibus inter nos planum reddere diversa opinantes nequiremus, ad Amplitudinem tuam referendum, tuumque iuditium expectandum unanimi consensu decrevimus, quod oneris pro ea qua pollet humanitate ac benignitate non gravetur, volui tamen et virium mearum tenuitatem in hac re experiri et his litteris Amplitudini tuae cui omnia subicio proponere et declarare.
Itaque ut mea fert opinio, episcopi per tam longum spatium temporis a propria ecclesia abesse non possunt, nec Romanus Pontifex huiusmodi absentiam tanquam divino iuri contrariam ullo modo valet tolerare. Qui vero contra sentiunt, eas quae sequuntur adducunt rationes. Et primo; licet episcopis abesse a suo grege, quando grex insidietur saluti eorum; ab hoc enim periculo iuste semper declinare possunt, ut docet D. Thomas, 2. 2ae q. 185, art. 5; quod confirmat auctoritate Iulii
---page break---