Difference between revisions of "Page:De scriptoribus ecclesiasticis liber unus (1613).pdf/266"
| Header (noinclude): | Header (noinclude): | ||
| Line 1: | Line 1: | ||
| + | <references/> {{TurnPage}} | ||
| + | <br> | ||
| + | <small> | ||
| + | <p style="float:left"> | ||
| + | <i>De scriptoribus ecclesiasticis</i></p> | ||
| + | <p style="float:right"><span style="color:Red"> | ||
| + | p. 248 | ||
| + | </span></p> | ||
| + | </small> | ||
| + | <br> | ||
Revision as of 23:06, 1 June 2020
De scriptoribus ecclesiasticis
p. 248
Ad haec, in dialecticam & philosophiam Aristotelis, Commentaria & opuscula minutiora de iuramento, in causa pauperum & alia id genus haec ille; qui postea scripsit etiam apologiam aduersus Ambrosium Catharinum, qui de certitudine gratiae cum eo contendere coeperat; quae apologia habetur adiuncta libris de natura & gratia.
De Ambrosio Catharino – 1500
Ambrosius Catharinus, patria Senensis, ordinis Praedicatorum, archiepiscopus Compsae, viuebat anno Dom. 1500 & obiit senex anno 1552. Multa scripsit, quae extant, sed aliqua iudicio ecclesiae improbata, ut de verbis, quibus Christus confecit Sacramentum eucharisthiae. Aliqua communiter a Doctoribus refelluntur, ut de certitudine gratiae, De praedestinatione, De loco decedentium cum peccato originali, & alia.
Quare opera eius caute legenda sunt.
Scripsit in quinque priora capita Genesis.
Et in epistolas sancti Pauli.
Et in epistolas canonicas.
Scripsit aduersus Martinum Lutherum, opus impressum anno 1521 & alia quae nota sunt.
De Iacobo Latomo – 1500
Iacobus Latomus Belga, professor S. theologiae in Louaniensi Academia, viuebat anno 1500 & scripsit infrascripta opera:
Responsionem ad articulos Lutherii.
De primatu pontificis contra Lutherum.
De fide & operibus & votis monasticis.
De confessione secreta.
De quaestionum generibus, quibus ecclesia certat foris & intus. Pia viuorum opera defunctis prodesse.
Viuos, sanctorumque imagines honorandas esse.
De ciborum delectu & ieiuniis.
De missa.
De Ioanne Driedone – 1500
Iohannes Driedo a Thurnhuth, Belga, viuebat anno 1500 & scripsit praeclara opera, quae edita sunt Louanii 1556.
