De scriptoribus ecclesiasticis
p. 238
[346.]
De Gabriele Biel – 1490
Gabriel Biel, natione Germanus, qui Tubingae diu docuit, floruit circa annum Domini 1490.
Scripsit Commentaria in quatuor libros Magistri Sententiarum.
Item Expositionem canonis Missae & sermones varios.
[347.]
De Marsilio ab Ingen – 1490
Marsilius ab Ingen, natione Germanus, aequalis Gabrielis, docuit Heidelbergae & scripsit ipse quoque In quatuor libros sententiarum commentaria non inutilia.
[348.]
De Jacobo de Valentia – 1490
Iacobus de Valentia episcopus Christopolitanus, vixit circa annum 1490, ut colligitur ex prooemio Fini Hadriani.
Scripsit Commentaria in Psalmos & in Cantica Salomonis.
Scripsit etiam in Cantica Zachaeiae, B. virginis & Simeonis, & in hymnum »Te Deum laudamus« & ,i>Contra Iudaeos de Christo reparatore generis humani.
[349.]
De Cypriano Beneto – 1490
Cyprianus Benetus Aragonensis ordinis Praedicatorum, scripsit quatuor tractatus, qui extant: unum De prima orbis sede, alterum, De concilio, tertium, De potestate ecclesiastica; quartum, De pontificis maximi potestae.
[350.]
De Fino Hadriano – 1490
Finus Hadrianus Ferrariensis viuebat senex anno 1503, ut ipse testatur in prooemio sui operis, scripsit in ultima sua aetate volumen magnum & egregium, libris nouem distinctum, quod inscripsit Flagellum in Iudaeos.
Extat excusum Venetiis anno Domini 1538.
[351.]
De Ioanne Pico – 1490
Ioannes Picus Mirandulae Comes, vir ingenio & doctrina (pro aetate) maximus.
Vixit annos solum triginta tres & obiit anno Domini 1494.
Scripsit tamen:
