Ab anno Domini 1400 ad 1500
p. 237
[341.]
De Ambrosio Camaldulensi – 1480
Ambrosius Camaldulensis, Florentinus, abbas generalis ordinis sui, vir fuit doctus & prudens & obiit anno 1490.
Scripsit Tractatum de Spiritu sancto.
Item de sacramento corporis Christi.
Item orationes, quarum unam Graeco idomate habuit Ferrariae coram Imperatore Graeco & episcopis Graecis.
Scripsit etiam epistolas multas.
Et vitas S. Eugeniae virginis & martyris.
Necnon Proi & Iacinthi martyrum.
Vertit autem ex lingua Graeca in Latinam librum S. Basilii de virginitate.
Vitam S. Ioannis Chrysostomi.
Et homilias eiusdem in Matthaeum.
Item libros S. Dionysii Areopagitae.
Et alia non pauca.
[342.]
De Pacifico – 1480
Pacificus ordinis Minorum, vixit circa annum 1480 Scripsit summam casuum conscientiae, quae Pacifica nominatur, ea summa ex Latino idiomate in Italicum conuersa edita fuit Venetiis anno 1574 & 1580.
[343.]
De Angelo Clauasio – 1480
Angelus a Clauasiio, Ligur, ordinis Minorum, scripsit summam Casuum conscientiae, quae Angelica dicitur. Vixit circa annum Dom. 1480.
[344.]
De Baptista Trouamala – 1483
Baptista Trouamala ordinis Minorum eodem tempore scripsit Louanii summam casuum conscientiae, quae dicitur Rosella.
[345.]
De Vernero Vesphalo – 1484
Vernerus Vesphalus scripsit Fasciculum temporum ab initio mundi usque ad annum 1484 continuauit hoc opus Ioannes Linturius usque ad annum 1514.
