Ab anno Domini 1000 ad 1100
p. 163
[274.]
De Guitmundo episcopo Auersano – 1070
Guitmundus episcopus Auersanus vixit Gregorio VII summo Pontifice, ut ipse testatur initio primi libri de Eucharistia. Scripsit lirbos tres de corpore & sanguine Domini in Eucaristiae Sacramento. Nec solum veritatem confirmauit, sed etiam argumenta contraria docte
<xxx> destruxit.
Scripsit etiam confessionem de sancta Trinitate. Christi humanitate & corporis Domini veritate; quae extant in Bibliotheca sanctorum Patrum tomo sexto, editione secunda & etiam seorsim <***> Landfranci & Algeri libris excusa. Unum est in quo Guitmundus reprehendi solet, quod libro 2 timuerit concedere species Sacramentales vere posse corrumpi & putrefieri, quae potuisset admiere, sine ulla <***> corporis Dominici fieri.
[275.]
De Georgio Cedreno – 1070
Georgius Cedrenus historicus Graecus scripsit compendium historiarum ab Orbe condito usque ad annum Domini 1057 quod opus extat Graece & Latine.
[276.]
De Ioanne Curopalate – 1070
Ioannes Curopalates scripsit historiam ab anno Domini 811, usque ad annum 1081, extat cum variis Cassiodori, excusus Venetiis anno 1570.
[277.]
De Theophylacto – 1071
Theophylactus archiepiscopus Bulgarorum vixit tempore Alexandri papae secundi & Romani Diogenis imperatoris circa annum Domini 1071 ut Card. Baronius demonstrat ex epistolis ipsius Theophylacti. Scripsit in quatuor Euangelia & in omnes epistolas Pauli, in quibus Commentariis in Euangelia & in epistolas, ita Chysostomum secutus est, ut Chrysostomi abbreuiator dici possit. Porro schismaticus fuisse Theophylactym intelligi potest <***> Commentario in cap. 3 Ioannis ubi Latinos reprehendit; quod credam spiritum sanctum a filio etiam procedere.