Ab anno Domini 900 ad 1000
p. 157
[253.]
De Ambrosio Ansberto – 890
Ambrosius Ansbertus monachus eodem tempore floruit.
Scripsit autem in Apocalypsim, in Psalmos & in Cantica canticorum.
Dicitur etiam scripsisse De cupiditate & epistolas ad diuersos.
Seculum decimum ab anno 900 ad 1000
[254.]
De Leone Sapiente imperatore
Leo VII huius nominis imperator non sine causa Sapiens dictus est.
Scripsit enim epistolam insignem ad regem Saracenorum de crhistianae fide veritate & Saracenorum impietate, ubi disertis verbis spirituam sanctum a Patre & Filio procedere affirmat. Extat haec epistola in Bibliotheca S. Patrum tomo 3. Extant etiam in Bibliotheca Vaticana orationes huius imperatoris plurimae, quarum titulos & unam integram refert Card. baronius tomo 10 Annalium ad annum Dom. 911 quo anno hic imperator obiit. Extant hae orationes Latine redditae & Ingolstadii excusae. Refert quoque Iacobus Gretserus Societatis Iesu Theologus tomo 2 de cruce, orationem alteram eiusdem Leonis de cruce. Itaque illustrauit hic imperator hoc seculum, alioqui valde obscurum.
[255.]
De Idiota – 902
Idiota quidam nomine suo suppresso circa hoc tempus scripsit egregium librum contemplationum & alterum de humilitate; qui extant in Bibliotheca S. Patrum tomo 5 edit. 2.
[256.]
De Marco eremita – 906
Marcus eremita hoc eodem tempore vixit, quippe, qui Leonem VI imperatorem saucium curauit & decennium vitae illi praedixit ut Zonaras & alii Graeci historici narrant. Scripsit multa opuscula theologica quae extant in Bibliotheca S. Patrum tomo 5 edit. 2. Sed ea opera ita scatent erroribus contra fidem, ut suspicari cogat, vel ab haereticis nostri temporis conficta, aut valde deprauata fuisse; neque alia de causa huius auctoris memini, nisi ut admonerem cautissime esse legendum; non enim desunt alii auctores pii, qui sine tali periculo legi possunt.