tibi Parca filum. Plura regnator Stygis
obsequia sperat, vive dum Pluto sinit.
ALP. -Dum vivit hostis, vivere Alpinum pudet
dum vincit hostis, vivere Alpinum piget.
NIG. -Nondum triumphat hostis. ALP. -Etiamnum, Nigri,
promissa fundis vana? Sic fallis fidem?
Recede, vecors genie, Luthero refer
robustiorem mittat Hispano parem,
te debilem nimis esse, qui solo petas
heroa tantum Marte. NIG.-Debilem vocas
quem Terra, Nereus, Inferi, Coelum tremit?
Me nec domare fulmen intortum valet
.
ALP. -Valet vel una lachryma. Quid, vecors, ago?
Quo me revolvam consilî mentisque inops,
elusus, expes, victus, abiectus, pavens?
Quaeram latebras? Occidit nondum dies.
Fugam capessam? Furva nox melior fugae.
Tentabo rursus Curiam? Plenum aleae
discrimen ingens. Interim iudex citat.
Eat Navarrus solus, hoc ridet magis.
Casum Mudarrae nescit, et merito vices
unus subibit omnium: poenam luet
levitatis aura levior. Huc mox se feret.
Tu, Nigri, laetam prospero flatu refer
spirante sortem. Curiam recta petat.
Mox adfuturos caeteros. NIG.-Iussa exequar.
ALP. -Ego latebrosos interim quaeram specus:
dum nox tenebras vexerit, inibo fugam*[1]
NIG. -Noxae quot una luce te, Nigri, beant!
quot te coronant spolia! Iam per me licet
- ↑ *Abit
