Vngue vulturum rapaci
scinde, finde marmoratis
ossa caelitum sepulchris.
Perge miles impudentis
aere frontis, et penates
ure, frange caenobitum,
claustra virginum refringe,
ingemat dolore tellus
sanguinosa stagnet unda
lachrimoso manet imbre
ultimus labor supersit
NIG. -Hos Martiales saepe decantat modos
Lutherus. An non pectori Martem sonant?
NAV. -Rebullit ira, rursus horrentem ferox
anhelo pugnam, prodeat Orion licet
1000 aut ipse magno natus Alcides Ioue.
ALP. -Bellax Achilles macte: Dardanius tibi
non derit heros, Troia Loyola est tua. Exit Mudarra
CAS. -Vacet theatrum, ludus in scenam venit.
Argumentum Ludi: Tripudium Satyris constat. Prodeunt 3 ex vtroque latere. Aperitur deinde scena a
tergo, et inter duo phantasmata, apparet hydra. Phantasmata Lutherum, et Caluinum, hydra Haeresim
repraesentat. Varie saltatur, iterumque aperta scena plures nigris vestibus induti; iniectis vinculis eos
trucidant Satyri, quo portenditur, plures e Societate ab Haeresis mactandos
