placidum dedisse Numen afflicto solo.
Iberus Hydram perimet Alcides novam
Loyola: trudet ille Phlegetontis retro
in antra pestes. CARD.1.us:-Pestis haud pestem fugat
nec monstra monstrum. Dubia Loyolam serit
iam fama pridem criminis foedi reum.
PON. -Prodigia narras! Sanctitas nullum capit
eximia naevum. CARD.2.us:-Sanctitas nullum fugit
simulata crimen. Sancte Christiadum Pater,
Loyola causae sistitur magnae reus.
PRI. -Loyola reus? Euulsa Tartareum prius
velamen astra condet, aeterno diem
nox furua amictu sole nigranti teget.
PON. -Acerbus imam nuncius mentem fodit;
cedamus intro. QUI. -Magne succesor Petri,
ludos paravit Roma, felicem tibi
gratata redditum. PON. -Nequeo depressus gravi
negotiorum mole ludorum leves
spectare pompas. QUI. -Ludicri hic absunt ioci,
nihil hic profanum. PON. -Noster adstabit nepos:
me grauior vrget ludus, animarum salus.39. [1]
PRI. -Sanctum profundus perculit maeror senem;
insedit alte vulnus. Ignati memor
leuare maesti pectoris pondus solet.
QUI. -Princeps, vereri mitte: non longo crepat
invidia flatu. Nomen Ignati feret
late per amplas fama terrarum plagas.
Ubi hostis atram lamberit mordax humum
TRIB. -Tristia facessant, lata festivis sonis
animatur æra. Prodit 1. [2] in scena chorus.
