incerta pendet causa. NIG. -Iam causam scio:
late per urbes fama pernici volans
me docuit alâ. Nec peregrinus lares
reviso notos Romuli. Hoc certum tene:
Loyola meritas improbus paenas luet.
Hodie flagrabit ustus infami rogo.
ALP. -Promittis audax magna. NIG. -Mox, iuro Stygem,
maiora cernes: fervet in venis calor,
invitus omnem corde Lutherum bibi.
MUD. -Dum tu morando tempus alatum teris,
dubia retardat impetum litis mora.
Pedem 32. [1] Navarrus revocat. ALP. -O folium leve!
Quis ventilavit bracteam inversus Notus?
Nauarre, sero lubricum gressum refers.
NAV. -A scelere nullus sero retraxit pedem.
ALP. -Te nec superstes fama, nec Romae procax
te lingua tangit. NAV. -Caeterae languent minae,
ubi metus irae vindicis mentem fodit.
ALP. -Invret omnes labis aeternae nota.
NAV. -Exurat omnes mortis aeternae timor. 33. [2]
Heu, quis gelatum remeat in pectus stupor?
Nigrescit aura. NIG. -Sinite, vos malum latet. 34.[3]
Hic congelatum pectus accendet liquor: poculum magicum ore eius.
hauri, Navarre, pingue Lutheri merum. 35. [4]
An incalescis? NAV. -Vita paulatim redit,
epota gelidum flamma populatur metum.
Vires resorbet pristini sensus calor.
Mihi reddor, auctam sanguinis crudi sitim
sentio priorem, tota sitientem Tybris
non temperabit urna cum gurges tumet.