incerta pendet causa. NIG. -Iam causam scio:
late per vrbes fama pernici volans
me docuit alâ. Nec peregrinus lares
reuiso notos Romuli. Hoc certum tene:
Loyola meritas improbus paenas luet.
Hodie flagrabit vstus infami rogo.
ALP. -Promittis audax magna. NIG. -Mox, iuro Stygem,
maiora cernes: fervet in venis calor, (/fol.16r.)
invitus omnem corde Lutherum bibi.
MUD. -Dum* tu morando tempus alatum teris, *Alloquitur Alpinum.
dubia retardat impetum litis mora.
Pedem Nauarrus revocat. ALP. -O folium leue!
Quis ventilauit bracteam inversus Notus?
Nauarre, serò lubricum gressum refers.
NAV. -A scelere nullus serò retraxit pedem.
ALP. -Te nec superstes fama, nec Romae procax
te lingua tangit. NAV. -Caeterae languent minae,
vbi metus irae vindicis mentem fodit.
ALP. -Invret omnes labis aeternae nota. Labitur in terram
NAV. -Exurat omnes mortis aeternae timor.
Heu, quis gelatum remeat in pectus stupor?
Nigrescit aura. NIG. -Sinite, vos malum latet. *Nigrius apponit pyxidem aut
Hic congelatum pectus accendet liquor: poculum magicum ore eius.
hauri, Nauarre, pingue Lutheri merum.
An incalescis? NAV. -Vita paulatim redit,
epota gelidum flamma populatur metum.
Vires resorbet pristini sensus calor.
Mihi reddor, auctam sanguinis crudi sitim
sentio priorem, tota sitientem Tybris
non temperabit vrna cum gurges tumet.
Page:APUG 1123.pdf/29
From GATE
Revision as of 13:12, 26 March 2024 by Daniel Benvenuti (talk | contribs) (→Not proofread: Created page with "incerta pendet causa. NIG. -Iam causam scio: late per vrbes fama pernici volans me docuit alâ. Nec peregrinus lares reuiso notos Romuli. Hoc certum tene: Loyola meritas impro...")
This page has not been proofread