dum crimen audax fingere attentat manus,
repentè missus tonuit ex alto fragor,
meque increpauit vocis aetheriae sono.
Horresco memorans: pectus astrinxit gelu
per pavida serpsit membra glacialis rigor,
totusque tremui; qualis autumno solet
tremula sonoro fraxinus nimbo quati.
Mud. -Inanis aurae timidus afflatum pavet.
Fortis resistit fulmini: impavidum ferit
lapsurus orbis. CAS. -Perdit ignavos timor.
Fortuna laeto numine audentes iuvat.
-Adhuc trementes frigus obsedit fibras.
Nav. -Hoc 30. [1] fulvus auri frigus expellit calor
Mud. -Me nulla flectent dona: fulgentes opum
contemno fraudes. BER. -Iam fores ictae crepant.
Nobis adest Alpinus. 0. [2]
SCENA TERTIA
ALPINUS NIGRIUS NAVARRUS
MUDARRA CASTILLA
BERRIERA
Nitentibus frustra caeteris Navarrus
rursum inflammatur a Nigrio,
Lutheri genio, ad meditatum
scelus perpetrandum.
ALP. -An Saxo valet?
NIG. -Lutherus, ingens saxonum lumen, valet.
Missa salute plurima, has chartas dedit.
ALP. -Ades secundis auibus, ut nobis opem
praestes fidelem. Dubius hic currit dies,
