dum crimen audax fingere attentat manus,
repentè missus tonuit ex alto fragor,
meque increpauit vocis aetheriae sono.
Horresco memorans: pectus astrinxit gelu
per pauida serpsit membra glacialis rigor,
totusque tremui; qualis autumno solet
tremula sonoro fraxinus nimbo quati.
Mud. -Inanis aurae timidus afflatum pauet.
Fortis resistit fulmini: impauidum ferit
lapsurus orbis. CAS. -Perdit ignauos timor.
Fortuna laeto numine audentes iuuat.
-Adhuc trementes frigus obsedit fibras.
Nav. -Hoc fuluus auri frigus expellit calor
Mud. -Me nulla flectent dona: fulgentes opum
contemno fraudes. BER. -Iam fores ictae crepant.
Nobis adest Alpinus.
ACTUS SECUNDUS SCENA TERTIA
ALPINUS NIGRIUS NAVARRUS
MUDARRA CASTILLA
BERRIERA
Nitentibus frustra caeteris Navarrus
rursum inflammatur a Nigrio,
Lutheri genio, ad meditatum
scelus perpetrandum.
Page:APUG 1123.pdf/28
From GATE
Revision as of 13:02, 31 January 2023 by Irene Pedretti (talk | contribs) (→Not proofread: Created page with "dum crimen audax fingere attentat manus, repentè missus tonuit ex alto fragor, meque increpauit vocis aetheriae sono. Horresco memorans: pectus astrinxit gelu per pauida se...")
This page has not been proofread
