mentitus ora Stygius obtrudat leo
Jesu Tonantis ipse pennarum quoque
remigia 26. [1] ponam; frontis accidam decus,
vt tecta ludam scelera. Sunt fraudes
piae, suos vt aether providus fucos habet.
Hic auspicatus ástruet mundo dies
frustra ferire tela quem caelum tegit.
Ferale sydus, conde luctificam comam.
Exere, diei nuncia, rubentes genas
feliciorque sparge propitium iubar.
Vos interim, pennata caelitum cohors,
faustis praeite cantibus victoriam.
Exiuerant cum Candido 4 Angeli, quo discedente, manent canitque statim Musica. Aperitur a tergo scena et ex umbrosis vallibus quaternae geniorum turmae prodeunt; singulas turmas singulae subsequuntur Reginae: Europa, Africa, Asia, America. Incedunt ad numerum variasque chori in modum figuras inter dicendum efformant.
IG 1s ANG.
-Surge, surge iam sereno
stella purpurans ab ortu,
hospes vndae, lucis auspex,
MARGINALIA:
Cometa euanescit eiusque loco oritur Aurora, moxque Sol subsequitur
- ↑ 26. Deponit alas comamque auream: chlamydem ac ga[l]lerum assumit.
