vbique gressus: antequam hic cedat dies
vel hic vel ille fraudibus nostris cadet.
ACTUS PRIMUS SCENA QUARTA
SANCTUS IGNATIUS ANIMA HOSII COELITES PHONASCI
Orlando lib. 2o
Orat Sanctissimam Triadem, Deiparamque Ignatius praesentem vt auertant calamitatem. Lapsa e caelo Hosii nuper defuncti anima quam inter Beatos vidit Ignatius, preces eius exauditas refert et ad maiores labores animat.
IGN. Aeterne rerum genitor, ingenite parens,
proles perenni numen aequaeuum patri,
vigor vtriusque mutue, perennis calor,
Sacra Trias, vnus numine aequali Deus,
aspice tenellum raptor ut Stygius gregem
vrgeat hianti fame, iam certum vorax
exacuit ictum, et dente sanguineo ferit,
feras nisi agnis Pastor innocuis opem.
Et tu salutis ara, tu caeli lepos,
terris leuamen, liberos tandem tuos
complexa genetrix sospita: tenui rati
adesto praesens turbidi sidus freti:
nec picea nubes funerat semper diem,
nec ira placidum semper obnubit Deum.
Diducta cortina superioris tabulati,
splendidae inspiciuntur nubes vel
MARGINALIA:
Orat flexis genibus
Page:APUG 1123.pdf/17
From GATE
Revision as of 11:54, 24 January 2023 by Irene Pedretti (talk | contribs) (→Not proofread: Created page with "vbique gressus: antequam hic cedat dies vel hic vel ille fraudibus nostris cadet. ACTUS PRIMUS SCENA QUARTA SANCTUS IGNATIUS ANIMA HOSII COELITES PHONASCI Orlando lib. 2o Orat...")
This page has not been proofread