This page has not been proofread
Alpine, siste, proditor scelerum dies
nos iubare claro deteget. ALP. -Quis me vocat?
Quis voce blanda cautus Alpinum monet?
Mudarra? Vecors, quid ago? Num somnus ligat adhuc sepultum, rapior an furiis vigil?
Hoc scio: Megaram corde furiato indui.
Ingessit atras horridum spectrum faces.
Hinc sitio demens vulnera, cruorem, necem.
Sitim levabit potus Ignati cruor.
-Nox apta caedibus, aptior fraudi dies.
Fraudes retenta: tempori aptari decet.
Insueta tractas arma, quae tempus vetat.
Assueta sume tela, quae tempus sinit.
