Difference between revisions of "Page:APUG 1123.pdf/15"
| Page body (to be transcluded): | Page body (to be transcluded): | ||
| Line 1: | Line 1: | ||
| − | Alpine, siste, proditor scelerum dies | + | Alpine, siste, proditor scelerum dies<lb/> |
| − | nos iubare claro deteget. ALP. -Quis me vocat? | + | nos iubare claro deteget. ALP. -Quis me vocat?<lb/> |
| − | Quis voce blanda cautus Alpinum monet? | + | Quis voce blanda cautus Alpinum monet?<lb/> |
| − | Mudarra? Vecors, quid ago? Num somnus ligat | + | Mudarra? Vecors, quid ago? Num somnus ligat<lb/> |
| − | adhuc sepultum, rapior an furiis vigil? | + | adhuc sepultum, rapior an furiis vigil?<lb/> |
| − | Hoc scio: Megaram corde furiato indui. | + | Hoc scio: Megaram corde furiato indui.<lb/> |
Ingessit atras horridum spectrum faces. | Ingessit atras horridum spectrum faces. | ||
Hinc sitio demens vulnera, cruorem, necem. | Hinc sitio demens vulnera, cruorem, necem. | ||
Revision as of 15:24, 22 March 2024
Alpine, siste, proditor scelerum dies
nos iubare claro deteget. ALP. -Quis me vocat?
Quis voce blanda cautus Alpinum monet?
Mudarra? Vecors, quid ago? Num somnus ligat
adhuc sepultum, rapior an furiis vigil?
Hoc scio: Megaram corde furiato indui.
Ingessit atras horridum spectrum faces.
Hinc sitio demens vulnera, cruorem, necem.
Sitim levabit potus Ignati cruor.
MUD. -Nox apta caedibus, aptior fraudi dies.
Fraudes retenta: tempori aptari decet.
Insueta tractas arma, quae tempus vetat.
Assueta sume tela, quae tempus sinit.
Sectare notas pristinae fraudis vias.
Lethale vulnus intulit cautè dolus,
ubi caecus ictum lusit incautè furor.
ALP. -Languescit aegrè cordis accensi tumor.
Citius tumentem gurgitem ponit Thetis,
quam detumescat ira. Sed tacitam iuuat
celare flammam; qui latitat ignis nocet.
Pareo monenti, tuta consilia sequar.
Tuam Mudarra muniat dextram Chalybs.
Ego fraude cingar: melius hoc telum vibro.
MUD. -Decuit abîsse. Praeparat Phoebus rotam,
clarescit aether. Induant rursum rude
artus dolosi tegmen. Haec humeros toga
tutius obarmat, rigida quam Martem chlamys.
ALP. -Quae sub cucullo flamma, quae prunae latent?
Advsta tactu feruet ignito manus.
Lacerna vilis, sortis opprobium meae,
MARGINALIA:
Tradit Mudarrae pugionem
Eremitae Mudarra tradit vestem eremiticam
Proicit lacernam
