Vir Reverende & Clariss.e,
Tabula Istaca, de qua quæris, eadem omnino est, quæ Bembi Cardinalis prumum,
dein Ducis Mantuani olim fuit, & ab Ænea Viro Parmensi 1559 edita, a te
recusa, & Œdipo Ægyptiaco inserta est, de qua bene memini te scripsisse, q.
in hunc usq. diem, quid eâ factum sit, sciri non potuerit, postquam in Man-
tuæ direptione evanuit. Optime conservata est, ut singulæ figuræ æque integræ
conspiciantur, atq. in Vici exemplo, sed marginem occupantibus ad rectos
angulos deorsum reflexis. Delituerat ea hacenus inter aulæ reicula,
ærugine & squatora obducta, protracta in lucem a Bartolomæo Torinio
Medico & Mathematico, Juvene ingeniosissimo, qui mihi in Bibliotheca Du-
cis eam monstravit, a se paulo ante repurgatam, & agnitam sub pri-
mum, ni fallor, ver hujus anni. Mensa parallelepipedi figuram habet, lon-
gior est, quam latior. Musivo opere lamellas candore suo argentum æmulantes & æri commissas repræsentat.
