Page:AKC 1656 04 01 561-040.pdf/1

R.de in <abbr>Chro</abbr> Pater <abbr>P.C.</abbr> Ternas a R.a V.a intra octiduum accepi litteras, quae mirum in modum me
recrearunt, et propter argumentum earum, et quòd indices sunt memoriæ
meæ. Gaudeo vehementer, Reginam Sveciae tandem visitasse Museum R.æ V.æ, magis verò laetor quòd vice altera reperti spoponderit o augurorq. reversuram et tertia quartaq. vice; si quidem curiositatem suam laudabilem satiare, et rerum omnium causas ac rationes, à R.a V.a exquirere atq intelligere. O si mihi vel semel vel id ipsum perlustrare liceret! Scit enixe R.a V.a quantopere ijs rebus delecter, quas, ingenium et artificium R.æ V.æ commendant Felicem P. Valentinum, R.æ V.æ socium dignissimum, qui tam dignam ante oculos habet commentandi materiam, meo quidem ingenio inferiorem, ipsius verò prorsu æqualem. Doleo tamen meam sortem, quòd nec ab ipso, nec à R.a V.a secretarum artium ibidem magnæ copiæ contentarum particeps fortassis futurus sim, ob utriusq occupatione varias. Si tamen aliquid adhuc valeo apud R.am V.am rogo obtestorq, efficiat ut nè prorsus ieinius maneam. Suppeditabunt ea pulcherrimam, nullus dubito, materiam pro Magia mea Universali Naturæ et artis, quam post festæ Natalitiæ componere cœpi iam in fine quarti Libri versor, nempe in Magia Parastatica. Facio quantum possem in tanta temporis et loci angustia. Dividam eam in tres quatuorve vel tomos, vel partes, in quarum prima, præmissis Prolegomenis ad Magiam Naturalem Universalem pertinentibus, practabuntus Optica, in secunda Acustica, in reliquis cetera omnia quæ ad illa ræduci non possunt. Sic enim exsistimo insistere me quàm optimè vestigijs R.æ V.æ Sed de hac re alias plura. Interim R.a V.a non omittat promovere conatus meos, et per se, et per alios. Uterq liber meus, Pantometrum inquam Kircherianum, et Mechanica Hydraulico-pneumatica, ante futuras nundinas autumnates imprimentur, et iam uterq catalogo librorum Francofurtensium incribitur pro dictis nundinis. Figuræ ferè omnes indicuntur æri, et qui-dem nitidissimè à Chalcographo Francofurtensi iam enim multæ fuerant mihi transmissæ. Parvæ aliquot, quas ligno incidi malui, non sunt satis pulchræ, ob artificiis exiguam peritiam. Libri R.æ V.æ quos misi ad tres Electores unà cum litteris meis, tandem aliquando, soluta Mœni glacie , traditi sunt eorum Factoribus seu Agentibus Francofurti de gentibus, et sine dubio iam ad ipsos Electores fuerint missi. D. Iansonius iterum scribit mihi, quòd nihil con mecum pos-sit de Oedipo ememndo, nisi viderit suum exemplar. Addit, se expectare quotidie Liburno exemplaria, quia scripsi R.æ V.æ ut eò mitteret. Dedi-ta opera ex duobus exemplaribus quæ habui à R.imo Ratisponensi, asser-vaveram unum ut Amsterodamam mitterem, sed quia Mœnus fuit tam citò et tam diu glacie conscriptus, id efficere non potui. Tradidi illud cuidam mostrati Bibliopolæ, ut ad præsentes nundinas Francofurtenses secum deferat, et ibidem omnibus Bibliopolis ostendat. Dictus