Ad inveniendas lineas pro Munitionibus, quas Galli vocant Dimidias, fiat ut 2 ad 1, ita quaelibet linea Munitionis Regalis majoris in Tabula expressa ad respondentem sibi lineam in Munitione Dimidia. Sive accipiatur Medietas cujuslibet lineae Majoris Munitionis Regalis ejusdem secundae Tabulae praecedentis.
Ad inveniendas lineas pro Munitionibus, quas Galli Vocant Quadrantales, fiat ut 4 ad 1, ita quaelibet linea Munitionis Regalis majoris dad respondentem sibi lineam in Munitione Quadrantali. Sive accipiatur una quarta cujuslibet lineae Majoris Munitionis Regalis.
Major porro Munitio Regalis(un Fort Royal vocant Galli) est,ut dixi Annotatione praecedenti , in qua Defensio maxima, seu figens,non est major distantia,ad quam ictus sclopeti manualis pertingit. Dodrantalis Munitio est, in qua Defensio maxima extenditur tres quartas Defensionis in Munitione Regali majori. Dimidia Munitio (demy Fort) est, in qua defensio maxima pertingit ad medietatem Defensionis in Munitione Regali. Quadrantalis Munitio est, in qua Defensio maxima pertingit ad quartam partem Defensionis in Majori Regali Munitione. Causa appellationis hujuscemodi est, quia Dodrans significat novem partes ex duodecim, estque illa magnitudo, cui deest Quadrans, seu tres partes ex duodecim,in quas totum est divisum. Dimidium, seu Semis, sunt sex partes ex duodecim. Quadrans (unde Quadrantal) sunt quarta pars ex duodecim, nempe tres duodecimae.
Ad inveniendas reliquarum Munitionum lineas, sive supra Majores sint Munitiones Regales, sive infra , Nota,ex lineis Munitionis Tetragonae seu Quadrangulis reperiri per Regulam Trium reliquarum Munitionum Tetragonarum lineas; et ex lineis Pentagonae lineas Pentagonarum; ex lineis Hexagonae lineas Hegagonarum,et sic de caeteris.
Hoc posito,si,dato quocunque latere aut linea cujuscunque futurae Munitionis, vis calculare alia latera aut lineas, quaere in Tabulae secundae praecedentis columna transversa A numerum Polygoni cognominis, v.g. numerum IV, aut V etc. si Munitio futura
