suspende Quadrantem, et per pinnacidia lateris E C dirige radium visualem in M , pendente interim libere perpendiculo C G, planumque Quadrantis radente. Tertio. Vide quem arcum abscindat perpendiculum inter F et G, et quantus sit angulus F C G. Sit v.g. graduum 30. Hunc quaere in prima columna Tabellarum. Tangens in secunda columna e regione indicat, turrim esse altam pedes ( vel passus) 57; (credo sia ; a meno che non sia 575) Secans in columna tertia docet,diagonalem K M esse Pedum (vel passuum) 115.
I. Eadem est ratio, quemcunque angulum efficiat perpendiculum cum latere C F Quadrantis : si enim angulus repertus, seu numerus graduum anguli reperti, quaeratur in columna prima Tabellarum, habebis semper e regione in columna secunda altitudinem, in tertia diagonalem, in pedibus aut passibus, aliave mensura nota, prout distantiam inter N et R sumpsisti in pedibus, aut passibus, aliave mensura nota.
II. Ratio operationis est, quia si inter latus C F Quadrantis, et perpendiculum C G, ducatur recta F A, perpendicularis ad rectam C G; fit Triangulum C A F rectangulum ad A, et aequiangulum triangulo K N M. Nam anguli ad A et N sunt recti : angulus C F A est aequalis angulo K M N, quia aequalis est angulo E C G, ut pote (due parole o una?) complementum complemento anguli F C A ad rectum; angulus autem E C G aequalis est angulo R M N, per 29.primi. Reliquus ergo F C A reliquo M R N aequalis est, per 32.primi. Ergo ut C A ad A F, ita R N ad N M. Si ergo C A statuatur sinus totus 100 partium, et A F Tangens anguli F C A 57 partium ; cum et latus R N sit 100 pedum, erit latus N M pedum 57.
Metiri latitudines horizontales.
LAtitudines horizontales vocamus spatia horizonti parallela, extensa inter duo extrema puncta aut signa, cujusmodi sunt latitudines
