Page:Organum mathematicum libris IX. explicatum (1668).djvu/647

habebis, si Meridianae portionem F P dividas bifariam in Q; intervallo Q P describas circulum P S F R; intervallum inter F et punctum horae tertiae vel nonae transferas ex F utrimque in R et S circuli; puncta R et S connectas linea recta, secante portionem F P in T. Nam T erit locut styli; T S altitudo styli; P S axis Mundi; F S diameter Aequatoris; angulus F P S aequalis angulo elevationis poli graduum 50; angulus P F S aequalis complemento altitudinis poli, seu elevationi Aequatoris graduum 40; T S stylus rectus, P S stylus angularis.
VII. Pro Verticali Horologio describendo, accipe ex Facie posteriore Regulae Sciathericae radium A 50, inter A punctum et rectam D C interjectum, eumque ex puncto G contingentis K G L transfer in O; eritque O centrum Horologii Verticalis. Ex quo si ad puncta horaria, in dicta contingente notata, ducas lineas rectas, et per centrum O lineam contingenti K L parallelam, numerosque horarum ascribas, ut vides; habebis Horologium Verticale delineatum. Locum et altitudinem styli invenies, ut antea, in Horizontali, si nimirum portionem G O dividas bifariam in V; intervallo V O describas circulum, in eum transferas ex G intervallum inter G, et horam nonam utrimque in circulum usque in W et X; haec duo puncta connectas linea recta W X, secante G O in Y. Erit enim, ut antea, punctum Y locus styli; W Y ejus longitudo; O W axis Mundi; W G diameter Aequatoris; angulus G O W aequalis angulo elevationis Aequatoris; Angulus O G W aequalis angulo elevationis poli; W Y stylus rectus, O W stylus angularis.
Eadem ero opera descripsimus per Regulam Sciathericam quinque Horologia, Aequinoctiale, Polare, Meridianum utrumque, Horizontale, et Verticale.
VIII. Styli locus in Horologio Aequinoctiali est centrum E; situs perpendicularis; longitudo lubtia.
Horologio Polaria adhiberi potest stylus vel rectus, vel patibularis. Locus recti est punctum E; longitudo est inntervallum inter E, et horam tertiam vel nonam. Patibularis locus et mensura

◅▻