Page:Organum mathematicum libris IX. explicatum (1668).djvu/430

temporis, quo Luna Zodiacum, seu propriam Orbitam Zodiaco suppositam, percurrens, ab uno ad idem punctum Zodiaci aut Orbitae fuae revertitur. Hic mensis, si spectes motum Lunae verum, seu vere nobis apparentem, inaequalis est, propter inaequalitatem motus Lunae, de qua in Cursu Mathem. Lib. 8. cap. 5. §2. Si vero medium motum inter tardissimum et velocissimum spectes, aequalis est, et dicitur Mensis Periodicus Vernus seu Apparens.
Mensis Dynodicus seu Conjunctivus, est spatium temporis, quo Luna a Sole digressa, completis omnibus phasium seu apparitionum suarum divertitatibus, (dum crescendo nunc apparet corniculata seu falcata, mox semiplena seu dichotoma, id est, bisecta, tum gibbosa seu utrimque tumida, tandem in oppositione cum Sole plena, et post oppositionem decrescendo easdem exhibet phases, sed ordine inverso) ad eundem revertitur. Hic mensis longior est Periodico, propterea quod Luna a Novilunio seu Conjunctione cum Sole facta in aliquo Zodiaci puncto, verbi gr. in principio Arietis, post peragratum Zodiacum integrum usque ad idem punctum, non invenit Solem in illo, sed longius uno fere signo Orientem versus motu proprio progressum; ideoque, ut illi iterum conjungatur, debet adhuc unum fere signum, quod interea Sol confecit, percurrere, antequam Solem adhuc interim progredientem assequatur. Et hic mensis Synodicus vocatur etiam Lunatio, et similiter inaequalis est, propter inaequalem motum et Solis et Lunae: reducitur tamen ab Astronomis ad aequalitatem, accipiendo medium inter tardissimum et velocissimum, qui est Dierum 29, Hor. 12, Min. 44.3. circiter. Dico circiter, quia alii addunt Min. 10.48, alii alium numerum, ut dicam infra Cap. 8. §4.
Ex mensibus Lunaribus Synodicis constituitur Annus Lunaris, qui est temporis spatium, quo Luna cum Sole aliquot peragit synodos seu conjunctiones. Hic duplex est, Communis unus, alter Embolismans seu Embolismicus, id est, infititius seu intercalaris. Ille est duodecim mensium lunarium synodicorum, hic tredecim.

◅▻