Page:EBC 1613 10 29 1333.pdf/1

Serenissime, et Potentissime Caesar Auguste Domine clementissime.
Accepi literas Majestatis Vestrae Caesareae per nobilissimum Comitem de Colalto: quibus mihi mandare dignatur, ut quoad possum, adiuvem negocia eius; quae cum sanctissimo Pontifica tractanda suscepit. Ego vero gratias in primis ago Majestati Vestrae Caesareae, quod mihi occasionem praebeat inservienti Domino meo, vel certe voluntatem ad omne obsequium paratissimam demonstrandi. Deinde polliceor me facturum quicquid potere, ut Maiestas Vostra Caesarea non fraudetur desiderio suo. Sed quondam nos in eiusmodi rebus consilium dare, hortari,et rogare possumus, praeterea nihil: Idcirco si res forte non succedat ad votum, accipiet Maiestas Vostra Caesarea a servis suis studium bonae voluntatis, et optimi animi significationem. His precor a Deo Maiestati Vestrae Caesareae Imperium diuturnum, et felix.
Datum Romae die 29. Octobris 1613.
Sacrae Caesareae Maiestatis Vestrae
devotissimus servitor
Robertus Cardinalis Bellarminus.