Horizontale; est enim planum omne alicubi inclinatum(et etiam Verticale) alibi Horizontale, et vicissim. Vide Clavium Lib.3. Gnomonices Propos.25.ubi etiam docet, quomodo hujusmodi Horologia sint collocanda.
Candide Lector, superesset, ut ad ostendum usum latissimum Semicirculi Horographici, et Regulae Sciathericae, doceremus praxin eorum ope describendi Horologia Italica, Babylonica, et Antiqua, nec non circulos positionem, seu Domorum Caelestium; item in quocunque, Horologio inveniendi stylum, centrum Horologii, Aequinoctialem, aliaque similia, si ignorentur: Sed cogor, ob temporis angustiam, haec differre in alium locum, et alios ab Auctore Organi praescriptos modos Horologia delineandi explicare.
HOROGRAPHIA PER ARCUS HORIZONTALES
'
Altera methodus seu praxis Horologium describendorum, non omnis quidem generis, sed Horizontalium ac Verticalium Astronomicorum tatum, quam Auctor Organi in Loculamento ad Libello quinto proponit, et brevissime explicat, instituitur per Arcus Horizontales ac Verticales, inter Meridianum seu Circulum horae duodecimae Astronomicae, aliosque horarios Circulos, a Meridiano
