Describe Geometrice Horologium Astronomicum
I. Ductis in plano, in quo delineandum est Horologium declinans(sive stabile sit, sive mobile, transferendeum deinde in stabile) rectis A B, et C D, secantibus se perpendiculariter in E.(quarum A B sti communis sectio Horizontis cum plano declinante, C D vero communis rectio Meridiani loci cum eodem plano;) constitue ad C D, in puncto E, angulum declinationis plani illius, in quo aut pro quo Horologium delineandum est: infra quidem rectam A B,si planum vergat in Austrum; supra vero, si in Septentrionem. Debet autem, si planum in Austrum vergens declinat in Ortum, praedictus angulus fieri versus sinistram C D, ad partes A; si in Occasum, versus dexteram C D, ad partes B: e contrario vero, si planum in Septentrionem verges declinat in Ortum, debet idem angulus fieri versus dexteram; si in Occasum, versus sinistram. In praesenti paradigmate, pono planum declinare in Ortum a parte Australi gradibus 30, ac proinde angulus declinationis debet constitui infra A B ad sinistram C D, sic. Ex E describe ad quodvis intervallum arcum D O, in eoque numera gradus 30 a D usque ad O; et per O educ ex E rectam E O; eritque angulus O E D angulus declinationis plnai, et E recta E O dicitur linea declinationis, recta vero C D erti Meridiana, seu linea horae 12mae.
II. In recta A B sume portionem E P pro magnitudine Horologii futuri(quod tanto erit majus, quanto major erit E P) et ex P describe arcym E V; atque ex E usque ad V, numerata altitudine poli, duc per P V rectam, quae intersecabit rectam C D in C; eritque C centrum Horologii, angulus vero C P E angulus altitudinis poli, et angulus E C P angulus complementi, seu angulus elevationis Aequatoris.
III. In linea declinatios E O sumpta recta E F aequali ipsi E P, duc ex F ad A B perpendicularem F G; ex C, per G, rectam C G pro linea styli; et per G perpendicularem H G M pro linea Aequinoctiali.
