This page has not been proofread
quam revera in coelo fiunt; factum est, ut Aequinoctium deseruerit diem sibi attributum, seu retrocesserit versus Mensis Martii initium usque ad diem ejus undecimum; et Novilunium ac Plenilunium primi mensis non fuerit recte monstratum, manente nihilominus primo termino Paschali in 21 die Martii, ex Concilii Nicaeni Decreto. itaque omnes Lunae decimae quartae, quae ab 11 Martii usque ad 20 accidunt, pro non Paschalibus in Veteri Calendario habentur, ut ibidem diximus, cum tamen revera sint Paschales, siquidem omnes aut in ipso aequinoctio, aut post ipsum contingunt.
