Page:Organum mathematicum libris IX. explicatum (1668).djvu/47

duratione, Solis & punctorum Eclipticae ab Aequatore declinatione, aliaque his similia.
Septimus Liber est ASTROLOGICUS. In eo explico septimum Organi Loculamentum, septimumque Auctoris Libellum. Addo Instructionem uberiorem pro Astrologia, in eaque exlico non solùm Tabellas ad dictum Loculamentum pertinentes, sed multa circa aspectum seu configurationem Planetarum, circa signorum Zodiaci naturam & convenientiam cum humoribus & membris humani corporis, circa originem characterum dictorum Zodiaci signorum, circa electiones ex arte Astrologica faciendas in sanguinis missione, medicinae sumptione, seminatione, plantatione, lignorum caesura, aeris mutatione, aliaque non pauca.
Octavus Liber est STEGANOGRAPHICUS. In eo explico octavum ac nonum Loculamentum Organi, octavumque Auctoris Libellum. Addo Instructionem uberiorem, in qua perspicuè ac paulò fusiùs explico, quaecumque Auctor in dicto Libello dictisque praescribit Loculamentis, multaque alia adiicio, praesertim Steganographiam quandam Graecorum; aliamque novam, brevem, facilem, securam, ingeniossimam, quam ab Auctore Kinnerianam appello.