schemate, alati globi serpentibus hinc inde prosilientibus circumsepti, mundano systemati supraposita figura.Atque globus quidem nihil aliud, quam orbem universi, designat ut in praecedentibus probatum est.Alis teste Macrobio,Martiano,et Apuleio vis subtilis et celer omnia penetrãs in mũndo, denotabatur, ut vel hinc Alatam animam Aegyptios tradidisse, mirum non sit, cùm plerique Platonici, è Zorastris doctrina Aegyptiorumque id passim doceant. Serpentem verò faecũdi spiritus symbolum esse, Porphyrius apud Eusebium l.3.c.3.Evangelicae praepar: abundè docet;adeòque clarè à Virgilio ostenditur, ut ad hoc symbolum animae mundi omnia penetrantis vivificantisque unicè respexisse videatur, dum canit.
Principio Coelum ac terras, camposque liquẽtes Lucentemque globum Lunae Titaniaque astra Spiritus intus alit, totumque insusa per artus Mens agitat molem,et magno se corpore miscet. Meminit huius hieroglyphici Barachias Albenephi, Arabs,l. de veterum Aegyptiorũ disciplinis; quem volente Deo brevi latinitati donatum publici iuris faciemus.Ita autem dicit.
Globus,inquit,alatus, serpentibus circundatus,
