Tam illatum est, afferendo doctrinam, Ecclesias erigendo, pro vivis et defunctis loco fuit navigii: omnem felicitatem exaltans, quietem dedit universo mundo.
15. Caò cum insistendo vestigiis Avi sui denuò ad novas Ecclesias exstruendas animum adiecit. Templa pacis alta, et magnifica terram repleverunt omnem. Lex vera induit pulchritudinem. Titulo honoravit Episcopum, tranquillitate, et gaudio populi sine laboribus potiti.
16. Sapiens Rex Niueñ cum novit ingredi vias veras et rectas: tabulae regiae erant magnificae et illustres, literae regiae in iis florebant, et resplendebant. Figurae Regiae elucebant: Omnis populus profundè eas venerabatur, omnia dilatabantur, et homines ex eo gaudio summo perfruebantur.
17. Hic Rex Sò cum, regnando in propria persona venit ad Ecclesiam; sol sanctus resplenduit: nubes felices omnem caliginem, et obscuritatem noctis dispulerunt. Felicitate in regia domo aggregata, mala cessarunt, sublatisque;
Page:Prodromus coptus sive aegyptiacus (1636).djvu/98
From GATE
Revision as of 09:32, 8 December 2017 by Visconti03 (talk | contribs)
This page has not been proofread
![](/mediawiki/images/thumb/7/7c/Prodromus_coptus_sive_aegyptiacus_%281636%29.djvu/page98-1024px-Prodromus_coptus_sive_aegyptiacus_%281636%29.djvu.jpg)