Page:Prodromus coptus sive aegyptiacus (1636).djvu/51

Qua persecutione sanè maxima Aera Martirum nomen inuenit, hoc est Epocha annorum, quam à gloriosa Martirum circa Copton occisorum victoria ordiuntur. Verùm ut et Aera martirum, similiaque meliùs intelligantur, visum fuit rem gestam utpotè paucis notam, et vix ab aliquibus tractam, ea, qua ex Arabicis , et copticis monumentis fide eam desumpsi , breuiter hic et summatim interferere. Res itaque sic se habet. Euectus ad imperii culmen Diocletianus, cum inter caeteras provincias bello subactas, aegyptus maximè Achilla duce rebellasset, ex indignatione summa, ob contumeliam, ut ipse putabat, sibi à Refractariis illis illatam; infurorem versus, mox ea expugnata non satis esse ratus est, Achillam iam in potestatem sua redactum, feris dilaniandum obicere; sed vindictam quoque omni crudelitatis genere refertam, sibi exercendam existiamns, in cuiuscumque; conditionis homines foedum in modum debacchatus est. Verùm inter alia, tria potissimùm quae persecutionem vehementer auxere, contra eos machinatus est. Primum fuit, ut omnes cùm aliorum, tum Christianorum libros sacros hinc inde per unieuriam Aegyptum collectos,