Page:AKC 1666 02 26 562-079.pdf/1

Reverende in Christo Pater

Pax Christi
Valde me recreavit epistola Vestrae Reverendae ad me data, ex qua intellexi non solum
antiquum erga me Reverendae Vestrae affectum non fuisse extinctum vel minutum, sed magis
adhuc auctum, et utinam aliquo saltem modo respondere eidem postea numquam
certe intermittam in quacumque re Vestrae Reverendae servire potero sperabam sane me
Romae Vestram Reverendam rursus visurum ac multa de variis collaturum sed cum S. obedientiae
alium statuerit faciam per litteras quod in praesentia non potui speraque Vestram
R.vam etiam idem praestiturum, ut autem ad rem veniam petitisque respondeam
I° promitto me quicquid de scriptis P. Henrici remansit in manibus, me ea omnia
Vestrae Reverendae prima occasione transmissurum cum quibusdam Siniensis quas mihi
iam inutilia erunt item proxime mittam Vestrae Reverendae totum petitum itinerarium
meum cum tota Historia regni Barantalae, utatur his prout iudicaverit
in D.no, 3° conabor etiam delineationes aliquas addere aliquarum
rerum curiosarum quas in itinere conspexi, spero ea non ingrata futura,
sed mihi adhuc gratius esset si ipsa in persona, si superioribus placeret ea
Reverendae Vestrae comunicare postea, multum enim addit ipsa explicatio oretenus
facta prae litteris quibus non tam commode omnia committi possunt, sed
fiat voluntas DEI. P. Assistens Germaniae (cui propter libros illos
scripseram ex Lazaretho Livornensi) mihi huc significavit, ut eos Romam
commoda occasione mitterem vel ut inservirerit Reverendae Vestrae prout ..tque,
velut aliquibus Patribus aliquando in Indiano abituris usuri esse possent
quare ne in Domo Professa detineantur, Vestra Reverenda Patrem Assistentem accedat
praeveniatur ut quamprimum eo appulerit, (dirigam autem eos ad P. Koller)
non per varias manus transeant, sed immediate Vestrae Reverendae consignentur.
Haec pro anima, proxime plura, atque his cum humanissima salute ad
RR. PP. Koler, Schwartzel, Nadasii, Gumpenperg et me in Ss.a R.vae
Vestrae sacrificiae precesque enixe commendo, Goritiae 26 Februarii 1666.
Reverendae Vestrae servus in Christo
Joannes Grueber

---page break---

▻