Pax Christi
Viennae accepi datas Vestrae Reverentiae 27 Julii. Et unde mihi quod Reverentia Vestra mei adhuc memor de statu
meo sollicita sit? Germaniam recta via pertransivi, Viennae tandem Pater Gruber socium meum
reperi, tam longe non excurrissem nisi Augustmus Imperator [1] per Pater Miller non me vocari
curasset. Exceptus fui ab Optimo Caesare clementissime et fere Austriace, tres
fere horas sua Maiestas consumpsi in monstrando suis manibus thesauro, hodie
vel cras alteram audientiam indulgebit.
Postridie Beatissima Virginis Natae volente Deo hinc discedemus Bohemiam versus. Augustissimus Imperato
commendatitiis plurimis nos munivit ad Ducem scilicet Curlandiae [2]et Moscoviae [3], neque hoc
tempore extraordinaria pericula ex illis regionibus nunciantur quae nos absterrere possent
a suscepto proposito. Grammaticam Brahmanicam Augustus Imperator omnino volebat ut
suis sumtibus curarem typis mandari, sed in mea absentia non video quomodo fieri possit.
De infaustis novis quae attulerunt duo PP. Procuratores ex Oriente nihil audivimus de Mogol [4]
dictum nuper fuit. Surratum ab hoste aliquo occupatum, quod si verum esset probabilis
me arguerem Regem illum mortuum filiosque illius pro Regno pugnare.
Nuper hic Viennae locutus sum cum Generali de Husa et Comite Sirinio, ambo sunt
insignes Domini sed ambo summi offensi his diebus domum discesserunt redito exercitu,
periclitari videtur Imperium ob similes competentias. Deus succurrat
Optimo Casari et Ecclesiae suae.
Hisce plura modo non addo scripturus iterum si supervixero ex Curlandia vel Moscovia
Interim Reverendae Vestrae Santissimis Sacrificiis me submisse commendo. Viennae 7 Septembris 1664
Reverendae Vestrae servus in Christo
Henricus Roth. SJ.
Regni Mogorici in India
Missionarius
Pater Joannes mittit per Comitem Colonitz
Reverendus tres imagines trium Regum nimirum
Sinarum Nepal et Barantulas quae
sunt in eodem involucro cum imagine
suae Casareae Mis quam mittit Reverentiae Vestrae. D Miller.
Joannes Grueber
der man
---page break---
