Page:AKC 1671 02 10 565-185.pdf/4

nuntium hoc anno ad eos misi, ut certo sciam quae gens, quidve illis
necessarium, nec nisi anno proximo responsum expecto quanquam enim
non nisi ad 600 fere passuum millia hinc distare censeam, tamen nulla
toto itinere sata, venatus paucissimus, aqua fere nulla, eaque sola
hieme inventa nuntium detinebit; eoque adveniente pro certo habeo eam
mihi vineam a Superioribus commendandam. Fateor me pedibus infirmum
adeo ut etiam ipsè mihi equitatus sit molestissimus, sed optimus maximus
Pater familias, qui pedibus infirmis ac peditem ex mari pacifico seu Chiloensi
me iussit Andes imperare, seu peditem seu equites me sub umbra
alarum suarum constituet. Barbarorum qui eo itinere vivunt, idiomata ediscere
iam studeo; et ne hac in re tuis litteris, ac iussui omnino detim
actum contritionis quo ego utor apud barbaros varie idiomaté exaratum
ad te mitto.
Quo ad umbre Latitudinem qua die solstitiali petieras
fateor me in re tanti momenti qua Solis apogaeum vellicatus,
nihil fidere meis observationibus ob instrumentorum seu penuriam,
seu crassitiem. tamen ut iussibus Vestrae Reverentiae obedirem.
Die 21 decembris 1666 in Chiloe seu urbe Castro, cuius latitudo
est 42 gradus 30 minuti, in altitudine meridiano Solis 71 gradus 0 minutus
stylum erexi 1684 partium; eiusque umbra recta fuit
588 partium. Caeterum res eiusmodi non rudes oculos
petit, sed aquilinos, qui quotidiano in soles intuitu exerceantur.
Faxit Deus, eo locorum nos evocet unde Solem istum
non aspicere aut suspicere, sed omnino despicere doceamur.
Tunc evidenter re facie ad faciem meliora problemata mihi
demonstrabis, quam ea quae olim huic discipulo amantissimo
demonstrasti. Vale millies Pater mi atque uterque valeamus in
corde Jesu. Datum apud Poyas ultra Andes Chiloenses.
10 februarii 1671
Reverentiae Vestrae
†
Servus in Christo
Nicolaus Mascardus

---page break---

◅